बाग्मती प्रदेशय् एकल बहुमत दुगु नेकपा एमाले न मुख्यमन्त्री हेरफेर याइगु जुगु दु। मुख्यमन्त्री डोरमणि पौडेलं राजीनामा बिया व अष्टलक्ष्मी शाक्य मुख्यमन्त्री दयकेगु एमाले न तयारी यागु दु।

मुख्यमन्त्रीपाखे राजीनामा बिइगु न्ह्यः हे पौडेलं संसदीय दलया नेतापाखे राजीनामा बिगु खः। संसदीय दलया बुधबाः च्वंगु बैठकं वयागु राजीनामा स्वीकृत यासे दलया नेता ल्ययेगु निति स्वम्ह सदस्यीय समिति दयकूगु खः।

उगु समितिइ दीपकराज पाण्डे, दीपक निरौला व रचना खड्कापि खः। ११० म्ह सदस्यीय प्रदेशसभाय् एमालेया ५६म्ह  सांसदपि दु। मुख्यमन्त्री पौडेल अध्यक्ष केपी शर्मा ओली पक्षया खःसा मुख्यमन्त्री प्रस्ताव जुम्ह शाक्य माधव नेपाल समूहयाम्ह खः।

Categorized in राजनीति