कन्ह्यनिसे भेरोसेल खोप बिइगु
लहानान्युज | गुंलाथ्व द्धादशी ११४१, भाद्र ३ बिहीवाः

येँ कन्ह्य शुक्रबाः निसे ४० दँ च्वययापिन्त कोभिड–१९ विरुद्धया भेरोसेल खोपया न्हापागु डोज बिइत्यंगु दु।
स्वास्थ्य कार्यालय येँया प्रमुख बद्रीबहादुर खड्काया कथं भदौ ४ निसे ६ गते तक सञ्चालन जुइगु खोप अभियानय् ४० दँ स्वया च्वय च्वपिन्त न्हापागु डोजया खोप बिइत्यंगु खः।
येँ १८ दँ स्वया च्वय प्लस टु अध्ययन यानाच्वपि व विश्व विद्यालय तहया परीक्षाय् प्रवेश पत्रकापि विद्यार्थीपिन्स शुक्रबाः निसे खोप बिइत्यंगु खः।
कन्ह्य जुइगु खोप केन्द्र थुकथं दु:
सशस्त्र प्रहरी अस्पताल, बलम्बु
वीरेन्द्र सैनिक अस्पताल, छाउनी
राधास्वामी आइसोलेसन सेन्टर, सामाखुसी
नेपाल प्रहरी अस्पताल, महाराजगञ्ज
वीर अस्पताल, रत्नपार्क
निजामति कर्मचारी अस्पताल, वानेश्वर
परोपकार प्रसूती गृह तथा स्त्रीरोग अस्पताल, थापाथली
शिक्षण अस्पताल, महाराजगञ्ज
येँ महानगरपालिकाया ३२ गु वडा व माःगु कथं पालिकां तोके यागु थप खोप केन्द्र
मेमेगु नगरपालिकाया हकय् उगु पालिकां तोके यागुे खोप केन्द्र
Categorized in राष्ट्रिय