एमालें थःपि नाप ज्वलागु नां दर्ता मयायेत इनाप
लहानान्युज | गुंलाथ्व त्रयोदशी ११४१, भाद्र ४ शुक्रवाः
नेकपा एमालें थःपिनिगु नां नाप मिले जुगु मेगु दल दर्ता मयायेत निर्वाचन आयोगयात इनाप यागु दु। माधवकुमार नेपाल समूह न नेकपा एमाले समाजवादी दल दर्ताया लागि निवेदन बिउवं एमाले नेतापि आयोग वंगु दु।
शुक्रबाः आयोग वंपि एमाले नेतापि राजनीतिक दलसम्बन्धी ऐनया दफा ६(१) (ङ) व ९ कथं राजनीतिक दलया नां, ध्वाँय् व चुनाव चिं संरक्षण यायेगु जिम्मेवारी आयोग खः धका धागु दु।
उमिसं नेकपा एमाले समाजवादी दर्ताया लागि निवेदन वःगु धका न्यनागु धका धासे नेकपा एमाले नाप मिले जुगु मेगु दल दर्ता मयायेत इनाप यागु दु।
अथेहे १४ म्ह सांसदपिन्त पार्टीपाखे निष्कासन यानागु उमिगु केन्द्रीय सदस्य पद न वनेमाः धका एमालेया माग दु धका नेता बाबुराम दाहालं जानकारी बिगु खः।
Categorized in राजनीति