१४ क्वगुं महाधिवेशनय् सभापतिया मंकाः उम्मेदवार ल्यंइगु विषय छलफल यायेत नेपाली कांग्रेसया रामचन्द्र पौडेल पक्षया नेतापि बैठक च्वंगु दु।

येँया छगु होटलय् जुगु बैठकय् वरिष्ठ नेता रामचन्द्र पौडेल, महामन्त्री शशांक कोइराला, पूर्वमहामन्त्री प्रकाशमान सिंह, केन्द्रीय सदस्यपि शेखर कोइराला, अर्जुन नरसिंह केसी लगायतया नेतापिन्स ब्बति काागु खः।

नेपाली कांग्रेसय् क्रियाशील सदस्यता सम्बन्धी विवाद ब्बलःगुलि वइगु १४ क्वःगु महाधिवेशनया कार्यतालिका पटक–पटक संशोधन यागु खः। लिपागु पटक कांग्रेसं मंसिर ९–१३ तक येँ जुइगु महाधिवेशन यायेगु कथं कार्यतालिका सार्वजनिक यागु खः।

महाधिवेशनया लागि भृकुटीमण्डप व राष्ट्रियसभा गृह बुक याये धुकुगु दु। तर, क्रियाशील सदस्यताया विवाद समाधान यायेगु जिम्मा कापिं स्वम्ह सदस्यपिनिगु कार्यदलं आःतक न प्रतिवेदन बुझे यागु मदुनि।

Categorized in राजनीति