२०८० चैत्र १५, बिहिबार

एमाले कन्ह्य स्थायी कमिटी बैठक च्वनिइगु

लहानान्युज | गुंलागा पारु ११४१, भाद्र ७ सोमवाः

नेकपा एमाले न कन्ह्य स्थायी कमिटीया बैठक सःतूगु दु। थुगु बैठकय् माधवकुमार नेपाल समूह नाप दुपि, तर नेपालया पाटी मवपि नेतापि सहभागी जुइ धका प्रवक्ता प्रदीप ज्ञवालीं जानकारी बिगु दु।

नेपाल समूह नाप दुपि, तर नेकपा एकीकृत समाजवादी मवपि भीम रावल, घनश्याम भुसाल, गोकर्ण विष्ट लगायतया नेतापिन्स १० बुँदे सहमति अक्षरस कार्यान्वयन यायेत नेतृत्वपिन्त सोमबाः तक अल्टिमेटम बिगु खः।

उमिसं सोमबाः सुथय् पार्टी अध्यक्ष केपी शर्मा ओलीयात बालकोटय् नापला वंगु खः। उगु छलफलय् १० बुँदे सहमति कार्यान्वयन यायेत सहमति जुगु व उगु कथं हे कन्ह्यः बैठक सःतूगु धका एमाले प्रवक्ता ज्ञवालीं जानकारी बिगु खः।

वयकःया कथं कन्ह्य बैठकपाखे दल दर्ता राकेयाना एकताया लागि आह्वान याइगु सम्भावना दु।

Categorized in राजनीति