२०८० चैत्र १६, शुक्रबार

एमाले प्रदेश १ य् भीम आचार्ययात मुख्यमन्त्री दयकेगु तयारी

लहानान्युज | गुंलागा चतुर्थी ११४१, भाद्र १० बिहीवाः

नेकपा (एमाले) प्रदेश १ संसदीय दलं थौं बैठक सःतूगु दु। पार्टी विभाजन लिपा न्हापागु पटक थौं बैठक सःतूगु दु।

बिहीबाः सुथय् ९ बजे सःतूगु दु धका मुख्यमन्त्री व संसदीय दलया नेता शेरधन राई न राजीनामा बिइगु तयारी दु धका स्रोतं धागु दु। राईया राजीनामा लिपा माधवकुमार नेपाल त्वतूम्ह एमाले सचिव भीम आचार्ययात संसदीय दलया नेता ल्यया मुख्यमन्त्री दयके तयारी यागु दु। एमालेया छम्ह सांसदया कथं आचार्ययात बिहीबाः हे मुख्यमन्त्री शपथग्रहण यायेगु सम्भावना दु।

पार्टी विभाजन लिपा केन्द्र व स्थानीय तहया जनप्रतिनिधिपिन्स दल ल्ययेगु निति २१ दिं ई बिगु दु। तर हथासं संसदीय दलया बैठक सःतूगु धका नेकपा –एकीकृत समाजवादी पार्टीया नेतापिन्स असन्तुष्टि प्वकूगु दु।

९३ म्ह प्रदेशसभा सदस्य दुगु प्रदेश १ य् आः ९२ म्ह सांसदपि दु। प्रदेश १ य् नेकपा एमालेया ५१ म्ह सदस्यपि दु। उकि मध्ये छम्ह सभामुख दु। मेम्ह सांसद गुलेफुन खातुन फौजदारी मुद्दाय् दोषी खनेदया फरार जुयाच्वंगु दु। एमालेया ५१ म्ह मध्ये न्हुगु पाटीइ १८ म्ह सांसदपि दु। प्रदेशय् बहुमतया लागि ४७ मत आवश्यक जुइ।

प्रदेशय् एमाले सरकार क्वदलेवं गठबन्धनया सरकार दयकेत ८–९ म्ह सांसद दु सा गाः। भीम आचार्य एमालेय् दतकि व नाप २–३ म्ह सांसदपि माधव पक्षय् वनेइगु अनुमान दु। प्रदेशय् कांग्रेसया २१, माओवादी केन्द्रया १५, जनता समाजवादी पार्टीया ३, राप्रपा व संघीय लोकतान्त्रिक मञ्चया छम्ह छम्ह सांसदपि दु।

Categorized in राजनीति