जी सेभेन बैठकय् अफगानिस्तान इस्लामिक स्टेटा जोखिम नाप उद्धारया ज्या बारे छलफल जूगु दु।

जी सेभेनय् आवद्ध देशपि दथुइ अफगानिस्तानया सुरक्षा मामिला व उद्धारया ज्याबारे छलफल जूगु दु। अमेरिका नाप क्यानडा, फ्रान्स, जर्मनी, इटली, जापान, बेलायत सम्मिलित जी सेभेन समूहया शीर्ष नेतापि दथुइ भर्चुअल बैठकय् अफगान सुरक्षा मामिलायात केन्द्रय् तया छलफल जूगु दु धका बीबीसीं धागु दु।

स्थानीय इस्लामिक स्टेटया भातृ सङ्गठनपाखे जोखिम अप्वोगु व अफगानिस्तान त्वते चाहे जूपिन्स उद्धारया लागि लिबाके मज्यू धका नेतापिन्स बःबिगु दु। अमेरिकी राष्ट्रपति जो बाइडनं अफगानिस्तानय् जूयाच्वंगु उद्धारया ज्या याकन सिधेकामाः धका बःबिगु दु।

झीन्हु न्ह्यः तालिबानया कब्जाय् काबुलपाखे कम्ती न ७० हजार मनूतयेत उद्धार यागु दु। बैठकय् बेलायतया प्रधानमन्त्री बोरिस जोनसनं न लिपागु ईलय तक उद्धारया ज्या यायेमा धका बःबिगु दु।

Categorized in अन्तर्राष्ट्रिय