थौं यलय् ऐतिहासिक नृसिंह जात्रा जुइगु दु। यलया राजोपाध्याय ब्राम्हणपिनिगु उपाकर्म गुठीं दँय्दंस भाद्र कृष्ण पंचमीया दिं संचालन याइगु खः।

थौं थुगु जात्रा गाःबहाः न याइगु जुगु दु। उपाकर्म गुठीया सदस्यपि दथुइ ज्येष्ठताया आधारय् जात्रा पालपाः व पाः काम्हेसिगु छेँ न जात्रा शुरु याना यलय् नगर परिक्र याना उगु हे थासय् थ्यका जात्रा क्वचायकेगु परम्परा दु।

गाःबहाल निवासी कोमलेशानन्द राजोपाध्याय (कोमल जुजु) या छेँ न जात्रा न्ह्याका वय्कःया हे क्वचायेकिगु खः।

उगु जात्राय् प्रत्यक्ष भजन हाला, बाजं थानाः नृसिंह, लक्ष्मी, सरस्वती व प्रल्हादलिसें अप्सरा गणंपि दइ। थौं थुगु जात्रा गाबहाः, पिम्वहाः, क्वन्ति, कोबहाः, मंगः, लुँहिटी, इकुबहालः महाबौद्ध, टंगलः तिच्छु गल्ली, हौगः, पुर्णचण्डी लिसें थीथी थासय् चाःहिलिइ।

Categorized in राष्ट्रिय