२०७८ माघ ५, बुधबार

कांग्रेसं ३८गु जिल्लायम क्रियाशील सदस्यया नां बुझेयात

लहानान्युज | गुंलागा पंचमी ११४१, भाद्र ११ शुक्रवाः

नेपाली कांग्रेसं ३८ गु जिल्लाय् क्रियाशील सदस्यया नां केन्द्रीय निर्वाचन समितियात बुझे यागु दु।

क्रियाशील सदस्यता सार्वजनिक याये माःगु माग यासे वरिष्ठ नेता रामचन्द्र पौडेल समूहया जिल्ला सभापतिपि रिले अनसनय् च्वना च्वंगु इलय् महामन्त्री पूर्णबहादुर खड्कां निर्वाचन समिति संयोजक महादेव यादवया नां बुझे यागु खः।

१४ क्वःगु महाधिवेशन प्रक्रिया सुरु ज्इत आः च्यान्हु जक दनिइ। ७७ जिल्ला मध्ये ३९ गु जिल्लाया क्रियाशील सदस्यपिनिगु नां अन्तिम चरणय् थ्यंगु दु धका धागु दु। निर्वाचन समितियात बुझे यागु क्रियाशील सदस्यपिनिगु  नां प्रदेश १ या १० जिल्ला यागु खः।

ताप्लेजुङ,पाँचथर, इलाम, संखुवासभा, तेह्रथुम, खोटाङ, सोलुखुम्बु,, ओखलढुंगा, उदयपुर, झापाया क्रियाशील सदस्यता निर्वाचन समितिं बुझे यागु खः।

बागमती प्रदेशअन्तर्गत दोलखा, रामेछाप, सिन्धुली व ख्वपया सदस्यता सूची बुझे यागु दु सा गण्डकी प्रदेशया गोरखा, लमजुङ, तनहुँ, कास्की, मनाङ, मुस्ताङ, पर्वत, स्याञ्जा, म्याग्दी व नवलपुरया सदस्यता सूची बुझे यागु दु।

अथेहे लुम्बिनी प्रदेशया नवलपरासी, रुपन्देही, पाल्पा, रुकुम पूर्वी व रोल्पाया क्रियाशील सदस्यता टुंग्ये जुगु दु सा कर्णाली प्रदेशया रुकुम पश्चिम, जुम्ला, मुगु, हुम्ला नाप सुुदूरपश्चिम प्रदेशया बझाङ, डोटी, दार्चुला, बैतडी व कञ्चनपुरया क्रियाशील सदस्यतापिनिगु अन्तिम चरणया निर्वाचन समितियात बुझे यागु दु।

Categorized in राजनीति