२०७८ माघ ५, बुधबार

चाक्सीबारीइ कांग्रेसया संस्थापनइतर समूहया बैठक जारी

लहानान्युज | गुंलागा पंचमी ११४१, भाद्र ११ शुक्रवाः

नेपाली कांग्रेसया संस्थापनइतर समूहया बैठक जारी जुयाच्वंगु दु। पूर्वमहामन्त्री प्रकाशमान सिंहया चाक्सीबारीस्थित निवासय् बैठक च्वनाच्वंगु दु।

वरिष्ठ नेता रामचन्द्र पौडेल पक्षीय नेतापिनिगु बैठकय् थौं साढे ८ बजे निसे जारी जुयाच्वंगु दु। क्रियाशील सदस्यपिनिगु सूची सार्वजनिक व अनशनय् च्वंपि कांग्रेस जिल्ला सभापतिपिनिगु माग सम्बोधन यायेगु विषय बैठकय् छलफल जुइत्यंगु खः।

उगु बैठकय् महामन्त्री शशांक कोइराला, नेतापि शेखर कोइराला, प्रकाशमान सिंह, डा. रामशरण महत, अर्जुननरसिंह केसी, बलबहादुर केसी, डा. मीनेन्द्र रिजाल लगायतपिन्स ब्बति कयाच्वंगु दु।

Categorized in राजनीति