इस्लामिक स्टेट समूहं जिम्मेवारी कागु अफगानिस्तानया काबुल विमानस्थलपिने जूगु बम आक्रमणय् लाना सीपि १७० म्ह थ्यंगु दु।

शनिबाः बहनितक १३ म्ह अमेरिकी सैनिक नाप १७० म्ह सीउगु पुष्टि जूगु दु धका बीबीसीं धागु दु। वंगु बिहीबाः बहनि काबुल विमानस्थल पिने आत्मघाती बम विस्फोट जूगु खः।

वंगु अगस्ट १५ य् तालिबानं सत्ताकब्जा कायेधुका अफगानिस्तानया अवस्था अस्तव्यस्त जूगु दु। समाचार एजेन्सी एपीया कथं विमानस्थलं देश त्वते चाहे जूपिनिगु भिड अप्वोगु दु।

काबुलया बैंक व क्यास सेन्टरपि दर्जनौँ प्रदर्शन जूयाच्वंगु दु। वंगु छु इलय् पाकिस्तानपाखे सीमा क्षेत्रय् न अफगान नागरिकं देश त्वतेगु कुतः जुयाच्वंगु दु धा बीबीसीं उल्लेख यागु दु।

Categorized in अन्तर्राष्ट्रिय