प्रहरीं २ किलो ९६६ ग्राम कोकिन नाप स्वम्हेसित ज्वंगु दु।

प्रहरीं लागू औषध नियन्त्रण ब्यूरो आइतबाः पत्रकार सम्मेलन यासे तान्जानियाया नागरिक गेर्तुदे लियोनार्ड किमारोयात सिन्धुलीया खुर्कोटपाखे व मेपिनिम्हेसित येँ न ज्वंगु दु धका जानकारी बिगु दु।

दक्षिण अफ्रिकन नागरिक शिर्ले गामा, भारतीय नागरिक विजय सिंह प्रहरी ज्वंगु दु धका धागु दु। उपि नाप ९ करोड नेपाली रुपैयाँ बराबरया कोकिन बरामद जुगु दु धका ब्यूरों धागु दु।

कतार एयरलाइन्सपाखे वंपि दक्षिण अफ्रिकी नागरिकं भारतीय नागरिकयात उगु कोकिन बिइत्यंगु धइगु सूचं वंगु आधारय् ज्वनागु धका ब्यूरों धागु दु। उमित ज्वना थप अनुसन्धान जुयाच्वंगु दु धका प्रहरीं धागु दु।

Categorized in अपराध