अमेरिकां अफगानिस्तानपाखे छन्हु हे ६ हजार ८ सय नागरिकपिन्त उद्धार यागु दु।

अफगानिस्तान त्वते चाहे जूपि थप ६ हजार ८ सय नागरिकपिनिगु उद्धार यागु दु धका बीबीसी धागु दु। थ्व नाप अमेरिकां अफगानिस्तानपाखे उद्धार यापिनिगु ल्याः झण्डै १ लाख १२ हजार थ्यंगु दु।

तालिबान समूहं कब्जा याये धुका लाखौं मनू ग्याना अफगानिस्तान त्वत चाहे जूयाच्वंगु दु। अमेरिकी व मेमेथाय् विमानं उद्धार यायेगु ज्या जुयाच्वंगु दु। तालिबानं थ्व हे अगस्ट ३१ तक थःपिनिगु सैनिक यकेत अमेरिकां धयाच्वंगु दु।

अमेरिकां उद्धारया ज्या तीव्र कथं न्ह्याकाच्वंगु दु। अफगानिस्तान त्वते चाहे जूपिनिगु भीडभाडया दथुइ वंगु बिहीवाः विमानस्थल नाप हे बम विस्फोट यागु खः। वया लिपा हे अमेरिकां यागु ड्रोन आक्रमणं आईएसया छम्ह सदस्ययात स्यागु धका अमेरिकी सैन्य बलयात उदृत यासे अन्तर्राष्ट्रिय सञ्चार माध्यमं धागु दु।

Categorized in अन्तर्राष्ट्रिय