नेकपा (एकीकृत समाजवादी) पार्टीया वरिष्ठ नेता झलनाथ खनालं केपी शर्मा ओलीया नेतृत्व यागु पार्टी ‘दक्षिणपन्थी अवसरवादी’ पार्टी जुगु धका धागु दु।

भारतया न्हुगु दिल्लीस्थित एपोलो अस्पतालय् उपचार याना लिहावयेगु झ्वलय् खनालं ओली न एमालेयात दक्षिणपन्थी भासय् घ्वाना यकूगुलि न्हुगु पार्टी निर्माण यायेमाःगु खः धका धागु दु।

“केपी ओलीें पार्टी दक्षिणपन्थी अवसरवादी पार्टी खः,” खनालं धागु दु, “नेकपा एमाले जिमिगु हि चःतिं निर्माण यानागु पार्टी खः । तर, केपी ओलीं एमालेयात दक्षिणपन्थी भासय् घ्वाना यकूगु दु धागु दु।

उकिइ छगु क्रान्तिकारी पार्टी मागु दु।” वयकलं धागु दु निजी स्वार्थ मदुपि क्रान्तिकारीपिन्स विद्रोहया ल्या गुलि दु उकिया महत्व जुइ मखु धका धागु दु। “झापा विद्रोह चिधःगु ल्याखं सुरु यानागु खः।

उकियात स्यायत स्वंगुलि देयन्यक मिँ त्यात,” खनालं धागु दु, “आः न गुलि ल्याः दु, थ्व महत्वया विषय मखु। क्रान्ति इमान्दारी व प्रष्टताया साथ सुरु यातकि सफल जुइ।”

Categorized in राष्ट्रिय