अमेरिकाय् कोरोना भाइरसया सङ्क्रमण हाकन अप्वोया वंगु दु। सङ्क्रमित जूया अस्पतालय् भर्ना जूपिनिगु ल्याः १ लाख थ्यंगु दु।

थ्व स्वया न्ह्यः जनवरीइ अस्पतालय् भर्ना जूपि १ लाख थ्यंगु दु। आः तक अस्पतालय् १ लाख ३ हजार १७ शय्या बिरामीपि ज्याय् धुकुगु दु धका  स्वास्थ्य निकायं न धागु दु।

अमेरिकाया फ्लोरिडा व टेक्सासय् सङ्क्रमण जूपि अप्वो खने दुगु खः। वंगु वाः दुने फ्लोरिडाय् कोरोनाया कारण ज्यान वंपि दकलय् अप्वो थ्यंगु दु।

अमेरिकाय् वंगु २४ घण्टाया दुने ८६ हजार स्वया अप्वो सङ्क्रमण जुगु खः। थ्व नाप आःतक सङ्क्रमित जूपि ३ करोड ९८ लाख ७० हजार स्वया अप्वो थ्यने धुकुगु दु।

Categorized in अन्तर्राष्ट्रिय