बागमती प्रदेशया मुख्यमन्त्री अष्टलक्ष्मी शाक्यं थः पार्टी विभाजनया पक्षय् गुवलय् मदु धका धयादीगु दु।

थौं बुधबाः नेकपा एमाले बागमती प्रदेश संसदीय दलया बैठकय् न्ववादीसे मुख्यमन्त्री शाक्य थः नेपाल कम्युनिष्ट आन्दोलनय् वसानिसे हे थः कम्युनिष्ट एकताया निति सः तयावया च्वनाम्ह खः।

‘जि पार्टी विभाजनया पक्षय् म्हिगः न मदु थौं न मदु,’ मुख्यमन्त्री शाक्यं धयादीगु दु। वइगु दिं संविधान कथं सरकार सञ्चालन यायेत धका वयकलं धयादीगु दु पार्टी विभाजन प्रदेश व देय्या निति हे दुःखया खँ खः।

मुख्यमन्त्री शाक्यं दल हिउपि थःगु दलया प्रदेशसभा सदस्यनाप व मेमेगु दल नाप वार्ता याना थःगु सरकारयात निरन्तरता बिउगु वातावरण दयेके धका धयादीगु दु।

Categorized in राजनीति