सामलिङ्ग पावर कम्पनी लिमिटेडं जारी यायेत्यंगु स्थानीयया लागि साधारण शेयर (आईपीओ) या लागि कन्ह्यः शुक्रबाःनिसे आवेदन खुला जुइत्यंगु दु।

कम्पनीं आयोजना प्रभावित इलाम जिल्लाया स्थानीयपिन्त उगु आईपीओ जारी यायेत्यंगु खः। थ्व स्वया न्ह्यः २२ साउननिसे हे आईपीओ जारी यायेत्यंगगु खःसा उगु इलय् आईपीओ खुला जुइ मफुगु खः।

आईपीओ प्रतिशेयर १०० अंकित मूल्यया ५ लाख कित्ता साधारण शेयर निष्कासन यायेत्यंगु खः। निष्कासन याइगु कुल शेयरमध्ये ६० प्रतिशत अर्थात् ३ लाख कित्ता आयोजना प्रभावित क्षेत्र ईलाम जिल्लाया बासिन्दापिन्त व बाँकी ४० प्रतिशत अर्थात् २ लाख कित्ता आयोजना अति प्रभावित क्षेत्र ईलाम नगरपालिका वडा नं. ८ व १० नाप माईजोगमाई गाँउपालिका वडा नं. ४ व ५ या बासिन्दापिनिगु लागि निष्कासन यायेत्यंगु खः।

आईपीओ निष्कासन बन्द तिथि याकन असोज १ गते तक सम्म लिबाक्क असोज १७ गते तक विक्री जुइ । आईपीओ नेपाल एसबिआई बैंक, एनएमबि बैंक, सिद्धार्थ बैंक, सिभिल बैंक व लक्ष्मी बैंकया ईलाम शाखा कार्यालयपाखे आवेदन बिइ फइ।

Categorized in राष्ट्रिय