वंगु २४ घण्टाया दुने देयन्यक थप २००४ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं १० हजार ६५८ म्हेसित पीसीआर परीक्षण यागुलि १६१९ म्ह व ३ हजार ९९२ म्हेसित एन्टिजेन परीक्षणय् ३८५ म्ह याना २००४ म्ह कोरोना संक्रमण पुष्टि जुगु दु।

वंगु २४ घण्टाय् कोरोना संक्रमणमुक्त जूपि १८४६  थ्यंगु दु सा १६ म्ह सीउगु दु। आःतक कोरोना भाइरसया सक्रिय संक्रमितपि ३३ हजार ९४६ म्ह दु सा उकि मध्ये ३१ हजार ६१९ म्ह होम आइसोलेसनय् व २३२७ म्ह संस्थागत आइसोलेसनय् च्वना च्वंगु दु।

Categorized in राष्ट्रिय