पर्वतया थीथी थासय् चलः वना न्याम्ह सीउगु दु सा स्वम्ह बेपत्ता जुउगु दु। मदिक्क वाः वंया च्वंगुलि कुस्मा नगरपालिका स्वम्ह दुर्लुङय् न्याम्ह ल्हांगुलि निम्ह सीना च्वंगु अवस्थाय् लुगु दु।

चलः वया छखा छेँया हे न्याम्ह मध्ये १५ दँ दुम्ह विमला पौडेल व ११ दँ दुम्ह विनिता पौडेलया शव पिकागु खः। उगु छेँया स्वम्ह आः न वेपत्ता जुयाच्वंगुलि मालेगु ज्या जुयाच्वंगु दु धका जिल्ला प्रहरी कार्यालयया प्रहरी नायव उपरीक्षक शिवराज बुढाथोकीं जानकारी बिउगु दु।

अथेहे कुश्मा नगरपालिका ११ पकुवा चलखं ल्हाना निम्ह सीगु दु। ३५ दँ दुम्ह दुर्गा पौडेल व वया काय् ६ दँ दुम्ह गणेश पौडेल सीउगु दु धका प्रहरी नायव उपरीक्षक बुढाथोकीं जानकारी बिउगु दु।

अथेतु मोदी गाउँपालिका ५ अम्बोटय् चलः वया ५० दँ दुम्ह ठुलीमाया थापा न मदुगु दु।

Categorized in राष्ट्रिय