येँ महानगरपालिका वडा नं १९ या वडाध्यक्ष शशिलाल श्रेष्ठ मदुगुलि थौं छन्हु शोक बिदा बिउगु दु।

६४ दँ दुम्ह श्रेष्ठ उपचारया झ्वलय म्हिगः बिहीबाः नर्भिक अस्पतालय् मदुगु खः। वयकः अकल्पनीय मदुगुलि महानगरपालिया मेयर विद्यासुन्दर शाक्यं बिचाः हायकूगु दु।

अथेहे उपमेयर हरिप्रभा खड्गी न वयकः मदया महानगरयात तधःगु क्षति जुगु दु धका धयादीगु दु। वयकःया शव थौं सुथय् ८ बजे अस्पतालं हया अन्तिम श्रद्धाञ्जिलया लागि वडाय् तइगु दु।

सुथय् ९ बजेनिसे न्हिनय् ३ बजे तक वडाय् तया अन्तिम संस्कारया लागि पशुपति आर्यघाट यंकिइगु धका वडा सदस्य चन्द्रमान डङ्गोलं जानकारी बिउगु दु।

Categorized in राष्ट्रिय