वंगु २४ घण्टाया दुने देयन्यक १ हजार ७५६ म्हेसित कोरोना संक्रमण पुष्टि जूगु दु।

९ हजार ७७३ म्हेसिगु नमुना पीसीआर परीक्षण याउगुलि १ हजार ३५७ म्हेसित व ४ हजार ५६१ म्हेसिगु एन्टिजेन परीक्षण याउगुलि ३९९ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाउगु दु।

कोरोना संक्रमणं थप २३ म्ह सीउगु दु सा २ हजार २७४ म्ह कोरोनामुक्त जूगु दु। थ्व नाप आःतक नेपालय् कोरोना संक्रमित जूपि ८ लाख ५१ हजार ९६४ म्ह थ्यंगु दु।

उकि मध्ये ७ लाख २३ हजार ४५६ म्ह कोरोनामुक्त जुइ धुकुगु दु सा १० हजार ८०९ म्ह मदय धूकुगु दु।

Categorized in राष्ट्रिय