ब्राउन सुगर नाप सिरहाय् प्रहरीं छम्हेसित ज्वन
लहनान्युज | गुंलागा द्धादशी ११४१, भाद्र १८ शुक्रवाः
लागू वासः ब्राउन सुगर नाप सिरहापाखे प्रहरीं छम्हेसित ज्वंगु दु।
सिरहा नगरपालिका–१७ काली चोकपाखे ब्राउन सुगर नाप सिरहाया मिर्चैया नगरपालिका–५ या २६ दँ दुम्ह मोहम्मद नियाज सेखयात शुक्रबाः प्रहरीं ज्वंगु दु।
चेकजाँच यायेगु झ्वलय् सेखया नाप १० ग्राम ५ सय मिलीग्राम ब्राउन सुगर लूगु धका जिल्ला प्रहरी कार्यालय सिरहाया प्रवक्ता डीएसपी सुवास बुढाथोकीं जानकारी बिउगु दु।
सेखयात ज्वना थप अनुसन्धान जुयाच्वंगु दु धका प्रहरीं धाउगु दु।
Categorized in अपराध
