नेकपा एमालेया उपाध्यक्ष वामदेव गौतमं पार्टी परित्याग याउगु दु।

गौतमं एमालेया दक्को पदपाखे राजीनामा बिउगु दु धका वया स्वकीय सचिवपाखे कार्यालय सचिव शेरबहादुर तामाङयात बुझे याउगु दु।

५ पुस २०७७ य् संसद विघटन नाप साबिकया नेपाल कम्युनिस्ट पार्टी (नेकपा) निगु खेमाय् विभाजित जुगु इलय् गौतमं एकता अभियान न्ह्याकूगु खः। सर्वोच्च अदालतं २३ फागुनय् एमाले पुनस्र्थापना लिपा पार्टी एकता जुइ मफुत।

अध्यक्ष केपी शर्मा ओली व वरिष्ठ नेता माधवकुमार नेपाल समूहं अलग–अलग गतिविधि याना वयाच्वंगु खः। एमाले एकता अभियान न्ह्याकूगु इलय् न गौतमं अध्यक्ष ओली नेतृत्वया बैठकय् वाच्वंगु खः।

लिपागु इलय् माधव समूह न पार्टी तछ्याउगु इलय् ग्वाहालि यायेगु धका धागु खः।

Categorized in राष्ट्रिय