गृहमन्त्री बालकृष्ण खाँडं सिन्धुपाल्चोकया हेलम्बु व मेलम्चीइ खुसि बाः वया प्रभावित जूगु थासय् निरीक्षण याउगु दु।

वंगु असार १ व साउन १६ गते खुसिबाः वया मानवीय व भौतिक रुपं तधःगु क्षति जूगु खः। गृहमन्त्री बालकृष्ण खाँड व राष्ट्रिय योजना आयोगया उपाध्यक्ष डा. विश्व पौडेल नाप उगु टोलीं थौं हेलम्बु गाउँपालिका–२ या गणेश बगर व मेलम्चीया अवस्था आः छु जुयाच्वंगु धइगु थुकेत थौं अन वंगु खः।

थौं निरीक्षण टोलीइ पूर्वमन्त्री मोहनबहादुर बस्नेत, पूर्व कानुनमन्त्री नाप सांसद शेरबहादुर तामाङ, योजना आयोगया उपाध्यक्ष डा विश्व पौडेल, प्रदेशसभा सदस्य युवराज दुलाल व निमा लामा, गृहसचिव टेकनारायण पाण्डे, सडक विभागया महानिर्देशक अर्जुन थापा, सिँचाइ विभागया उपमहानिर्देशक प्रदीप थापा, राष्ट्रिय विपद् जोखिम न्यूनीकरण तथा व्यवस्थापन प्राधिकरणया प्रमुख कार्यकारी निर्देशक अनिल पोखरेल व हेलम्बु गाउँपालिकाया अध्यक्ष निमा ग्याल्जेन शेर्पापि सहभागी जूगु खः।

Categorized in राष्ट्रिय