नेकपा एमालेया अध्यक्ष केपी शर्मा ओलीें अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) सम्झौताबारे प्रधानमन्त्री शेरबहादुर देउवा व नेकपा माओवादी केन्द्रया अध्यक्ष पुष्पकमल दाहाल प्रचण्डया धारणा माग याउगु दु।

थौं शनिबाः नेकपा एमालें काठमाडौं महानगरपालिका स्तरीय ज्याझ्वलय सम्बोधन यानादीसे ओलीं एमसीसीबारे देउवा व प्रचण्डया धारणा छु दु धका न्ह्यसः तःगु दु। एमसीसी झुक्ये याना पास यायेत्यःगु धका धासे ओलीं थुगु बारे गठबन्धनया नेतापिन्स छु धारणा मवः धका धयदीगु खः।

‘ थुपि हे मनु खः। कांग्रेस व माओवादी जुगु इलय् एमसीसी यात, आः एमसीसी‘ न्ववागु मदु। झुक्ये याना पास यायेत्यंगु जुइ’ ओलीं धागु दु, शेरबहादुर देउवां धायेमाः एमसीसी छु यायेगु?

अले प्रचण्डं धायेम्वाला एमसीसी छु यायेगु? म्हिगः साइन याउगु दु, छु यायेगु एमसीसी ? उपि चुपचाप ।’

‘चीननाप छु न सीमा विवाद मदु, सूयात लयतायेकेत चीननाप सीमा विवाद समाधान यायेत समिति दयकेमाःगु’ ओली धागु दु ‘जिगु चुनौती दु थुगु समितिं छु न थासय् सीमा विवाद क्यः।’

सरकारं भारत व चीननाप सम्बन्ध तनावग्रस्त याना यकूगु धका ओलीं धाउगु दु।

Categorized in राष्ट्रिय