थौं बौद्धमार्गीपिन्सं पञ्चदान तःजिक्क हनाच्वन
लहनान्यूज | गुंलागा द्वादशी ११४१, भाद्र २० आइतबाः
बौद्ध तजिललि कथं थौं पञ्चदान पर्व हनाच्वंगु दु । दँय्दसंया भाद्र कृष्ण त्रयोदशी तिथि खुन्हू थ्व नखः नेवाःतय्सं हनावयाच्वंगु दु ।
थ्वः दिं दिपंकर बुद्ध, करुणामय द्यःयात सूचुपिचुका न्ह्यब्वइ । लिसें बरछुइ धुंकूपिं शाक्य, बज्राचार्य व बुद्धाचार्यपिन्त जाकी, वाः, छ्वः ची, केउ, मुस्या, तुफि, ची, खीर, दुरु, दक्षिणा इत्यादि दान याई ।
थुकिया नितिं छन्हू न्ह्यः बुद्धया प्रतिमा व दान बिइगु ज्वलं छेँया कोठाय् जम्मा याई । गुकियात दानशाला धायेगु याः । थ्व दिं येँ या स्वयम्भू महाचैत्यय् दान बिइपिं व काइपिनिगु म्वःम्वः जुइगु याः ।
बौद्ध धर्मकथं पञ्चदान काइपिं व बिइपिं दक्वसितं निर्वाण चूलाइगु धैगु भलसा यानावयाच्वंगु ।
Categorized in राष्ट्रिय
