नेपाल विद्युत प्राधिकरणं कार्यकारी निर्देशक कुलमान घिसिङयात नियुक्ति याउगु खारेजया माग यासे बिउगु रिट प्रधान न्यायाधीश चोलेन्द्र शम्शेर जबरा थःम्हेसिया हे स्वइगु जुगु दु।

आइतबाः पेसी तोके यायेगु झ्वलय उगु रिट जबरां थःगु हे इजलासय् तःगु दु। निवर्तमान कार्यकारी निर्देशक हितेन्द्रदेव शाक्यं नियुक्ति बदरया माग यासे ३२ साउनय् सर्वोच्च अदालतय् रिट दायर याउगु खः।

रिटय् शाक्यं थःत गैरकानूनी रुपं प्राधिकरणया कार्यकारी निर्देशक पदपाखे हटे याउगु दाबी यासे उकिया बदर याना थःत यथावत तयेमाःगु माग याउगु दु।

उगु रिटय् प्रधानमन्त्री नाप मन्त्रिपरिषद कार्यालय, ऊर्जा मन्त्रालय, ऊर्जामन्त्री, नेपाल विद्युत प्राधिकरणया सञ्चालक समिति व कार्यकारी निर्देशक कुलमान घिसिङयात विपक्षी दयकातःगु खः।

Categorized in राष्ट्रिय