शेयर बजाः थौं १ सय अंक भन्दा स्वया अप्वो घटे जूगु दु। बजाः सुरु निसे घटे जुगु नेप्से बन्द जुगु इलय तक कुहावःगु दु।

नेप्से थौं १ सय ८ दशमलव २६ अंकं घटे जूया २ हजार ८ सय १८ दशमलव ७२ विन्दुइ कुहावःगु दु। २ सय २३ गु कम्पनीया शेयर कारोबार जुगुलि २ सय ९ गु कम्पनीया शेयर घटे जूगु दु।

१६ गु कम्पनीया शेयर १० प्रतिशतं हे घटे जुगु दु। २ करोड ३० लाख कित्ता शेयर ११ अर्ब २४ करोड रुपैयाँ कारोबार जुगु दु।

दकलय् अप्वो अरुण भ्याली हाइड्रो कम्पनीया ७० करोड ३३ लाख रुपैयाँ शेयर किनबेच जुगु दु।

Categorized in राष्ट्रिय