नक्कली प्रमाणपत्र दयकू द्धपनय् छम्हेसित प्रहरीं ज्वन
लहनान्युज | ञंलाथ्व द्धितीया ११४१, भाद्र २३ बुधवाः
प्रहरीं नक्कली प्रमाणपत्र व जाली भ्वँ दयकिइगु ज्याय् संलग्न जूगु द्धपनय् छम्हेसित ज्वंगु दु।
बडिगार्ड गाउँपालिका–९ बागलुङया ३२ दँ दुम्ह युद्धबहादुर केसीयात प्रहरी ज्वंगु खः। महानगरीय प्रहरी परिसर ललितपुरं वयात कुपण्डोलया युएन पार्कपाखे ज्वंगु खः।
व नाप नेपाल व भारतया थीथी मेडिकल कलेजपाखे डिप्लोमा इन फार्मेसी उत्तीर्ण जूगु नक्कली प्रमाणपत्र दयका नेपाल फार्मेसी कउन्सिलय् दर्ता जूगुनक्कली भ्वँ नाप नक्कली लाइसेन्स, परीक्षा प्रवेश पत्र लगायतया जाली भ्वँ दयकेयगु ज्याय् संलग्न दुगु प्रहरीं दाबी याउगु दु।
वयात लिखत सम्बन्धी कसूरय् जिल्ला अदालत पाटनपाखे न्ह्यन्हुया म्याद थप याना माःगु अनुसन्धान जुयाच्वंगु दु धका प्रहरीं धाउगु दु।
Categorized in अपराध
