प्रमुख विपक्षी नेकपा एमाले न थःपिन्स कारबाही यानापि माधवकुमार नेपालनाप १४ सांसद उपस्थित जूसा प्रतिनिधिसभा बैठक चले याकेबिइ मखु धका धाउगु दु।

प्रतिनिधिसभाया अधिवेशन थौं बुधबाः २३ भदौ न्हिनसिया ४ बजेया लागि आह्वान याउगु दु। थ्व स्वया न्ह्यः च्वंगु एमाले संसदीय दलया बैठकं संसद न्ह्याके मबिइगु निर्णय याउगु खः। संसदीय दलया नेता केपी शर्मा ओलीं अग्निप्रसाद सापकोटायात सभामुख माने याना वने फइ मखु धका धाउगु दु।

पार्टीं २५ साउनय् हे कारबाही यानागु सांसदपिन्त पदमुक्त मयाउगु धका धासे सभामुखं एमाले विरोधी व गैरसंसदीय ज्या याउगु धका धागु दु। ओलीं थ्व स्वया न्ह्यः,‘यथास्थितिइ सभामुख माने याना वने फइ अवस्था मदु।’ अयन वयकलं स्पष्टीकरण न्यना छगु निष्र्कषय् थ्यकेयगु धका अध्यक्ष ओलीं धाउगु दु।

तर पार्टी कारबाही यापि सांसदपि उपस्थित जूसा बैठक न्ह्याके मबिइगु धका धागु दु। एमालें कारबाही यापिं १४ म्ह गैरसांसद जुगुलि गैरसांसदपि उपस्थितिइ बैठक च्वनेइगु संसद नियमावली विपरीत जुइगु धासे वयकलं धाउगु दु, ‘यदि गैरसांसदया उपस्थिति दु सा छु न हालतय् सदन न्ह्याइ मखु।’

Categorized in राजनीति