शेयर बजाः थौं बुधवाः न घटे जुगु दु। म्हिगः मङ्गलवाः ४४ अङ्कं घटे जुगु नेप्से थौं ६० दशमलव ०२ अङ्कं घटे जूया २ हजार ८७६ दशमलव ५९ विन्दुइ कुहावःगु दु।

थौं दक्को समूहया शेयर कुहवःगु दु। बैंकिङ समूहया शेयर ३२ अङ्क घटे जुगु दु। अथेहे विकास बैंक समूहय् १५८, व्यापारया ८२, होटलय् ६४, जलविद्युतय् ५३, फाइनान्सय् ९७ व माइक्रोफाइनान्स समूहया शेयर ६७ अङ्कं घटे जूगु दु।

उत्पादन समूहय् १८८, मेमेगु ६३, जीवन बीमा समूहया ४२१ व निर्जीवन बीमा समूहया शेयर ३२८ अङ्कं घटे जुगु खः।

लाइफ इन्स्योरेन्स कम्पनीया शेयर ६ प्रतिशतं घटे जूगु खः। समग्र बजाm घटे जूसा सानीमा लाइफ इन्स्योरेन्सया शेयर १० प्रतिशतं थहावंगु दु। २२५ कम्पनीया १ करोड ६१ लाख कित्ता शेयर ६ अर्ब ६४ करोड रुपैयाँ कारोबार जुगु दु।

दकलय् अप्वो युनाइटेड मोदी हाइड्रोपावर कम्पनीया ४० करोड ५७ लाख रुपैयाँया शेयर किनबेच जुगु दु।

Categorized in राष्ट्रिय