देछात प्रधानमन्त्री शेरबहादुर देउवां हरितालिका तीजया लसताय् सकल तहकेँहपिन्त भिं उसाँय्या कामनायासे भिंतुना देछानादीगु दु।

प्रधानमन्त्री देउवां बिउगु भिंतुना सन्देशय् तीजं नेपाली समाजय् विद्यमान लैङ्गिक जातीय, वर्गीय विभेद व दक्को किसिमया असमानता अन्त्य यायेत सामाजिक सद्भाव, सहिष्णुता व मेलमिलाप याना समुन्नत समाजया निर्माणय् अभिवृद्धि यायेत उत्प्रेरित याये फयेमाः धका भिंतुना देछाउगु दु।

कोभिड–१९ या कारण तजिक पारिवारिक जमघट याना नापच्वना माने याये मखंसा महामारीया थुगु अवस्थाय् स्वास्थ्य मापदण्ड पालना यासे हरितालिका तीजया मौलिकता व सांस्कृतिक महत्वयात जगेर्ना यासे हनेत प्रधानमन्त्री देउवां सकसित इनाप याउगु दु।

Categorized in राष्ट्रिय