हल्चोकया आकाश भैरब द्यःया ख्वापातय् लँपू छायेगु सुरु
नृपेन्द्रलाल श्रेष्ठ | ञंलाथ्व पंचमी ११४१, भाद्र २६ सनिवाः
येँया वलय् पिहावंगु हल्चोकया आकाश भैरबया स्वम्ह देवगणया ख्वापातय् लँपू छायेगु (ख्वापाः र्ममत व रंग तयेगु) ज्या जुयाच्वंगु दु।
ञंलाथ्व पारु कुन्हु हल्चोकं निसे छगु लियागु सन्दुकय् तया गुथियारपिन्स क्वबिया हया येँया मांसगल्ली चित्रकारया छेँ हयेगु याइ।
येँया मांसगल्ली च्वनादीम्ह तेजबहादुर चित्रकारं वंगु न्यागु दशकनिसे हल्चोक आकाश भैरव देवगणया लँपू छायेगु ज्या यान वयाच्वनादीगु खः।
थौ कन्ह्यः वयकः ८५ दँ दय् धुकुगु दु। लँपू छाय् सिधयका ञंलाथ्व एकादशी कुन्हु हल्चोकय् लित यकां उगु हे दिं द्यः छेँ न्ह्यने पूजा यायेगु याइगु परम्परा दु।
हल्चोक आकाश भैरव, चण्दी व कुमारी येँया ज्वंछि पिहावयेगु याइ।
