बागमती प्रदेश प्रहरी कार्यालय हेटौंडाय् २०७८ तक बस्तुस्थिति प्रतिवेदन प्रस्तुत याउगु दु।

बागमती प्रदेश प्रहरी प्रमुख प्रहरी नायव महानिरीक्षक डिआइजी प्रकाशजगं कार्कीया नेतृत्वय् बागमती प्रदेशया एसपी नवराज अधिकारी व मेम्ह एसपी ईश्वर थापां बागमती प्रदेशया आन्तरिक मामिला तथा कानून मन्त्री डा. अजयक्रान्ति शाक्ययात उगु प्रतिवेदन प्रस्तुत याउगु खः।

प्रतिवेदन प्रस्तुत याये धुका सम्वोधन यासे मन्त्री शाक्यं भौतिक संरचनां सुसज्जित जुइवं जक अपराध म्हो जुइ मखु धका धयादीसे मनू तयेगु अपराध मानसिकता, व्यवहार व वातावरण नाप निर्भर जुइ धका धयादीगु दु । ‘मानसिक रुपय् हे चेतनशील, विवेकशील, करुणा व मैत्री भावनां जालकि जक बालापि नागरिक दयकेगु निति लगे जुइमाः,’ मन्त्री शाक्यं धयादीगु दु, ‘अथे जूसा जक सुखी नेपालीया अभियान ताः लाइ धका धाउगु दु।’ मन्त्री शाक्यं आन्तरिक ममिला मन्त्रालयं वइगु दिं बजेट निर्माण याये वलय् प्रदेश प्रहरीनाप न सम्वन्वय यायेगु प्रतिवद्धता व्यक्त यासे अपराध न्यूनिकरण यायेत व आदर्श समाज निर्माण यायेगु सन्र्दभय् प्रदेश प्रहरीयात माःगु ग्वाहाल यायेगु जुइ धका धयादीगु दु।

 

Categorized in राष्ट्रिय