नेकपा एमालेया उपाध्यक्ष भीम रावलं १० बुँदे कार्यान्वयन जुइ धुकुगु अवस्थाय् पार्टी तछ्यायेगु छु न अर्थ मदु धका धाउगु दु।

देय् व जनता स्वया पदयात महत्व बिउपिन्स पार्टी तछ्याउगु द्धपः बिउगु दु। पार्टी विभाजनलिपा न्हापागु पटक धनगढी वया नेता रावलं धनगढीया कैलालीइ पार्टी कार्यालय नेता कार्यकर्तापिन्स सम्बोधन यासे दक्को छप्पं छधिइ जुया न्ह्यावनेमाः धका धयादीगु खः।

‘पार्टीया केन्द्रीय उपाध्यक्ष, सुदूरपश्चिमया समन्वय कमिटीया संयोजक हैसियतं एमालेपाखे छुटे जुगु भ्रमयलापि मनू व आः एमालेय् हे दुपि कमरेडपिन्त इनाप दु, वंगु खँ ल्वमकादीसँ आः,’ रावलं धाउगु दु, ‘दक्को छप्प जूया न्ह्यावनेमाः। स्थानीय चुनाव व आम चुनाव स्वये। स्वदेशी, विदेशी षड्यन्त्रयात चकनाचुर यायेत एमालेय् लिहावये फइ।’ धका धयादीगु खः।

Categorized in राजनीति