नेपाल कम्युनिष्ट पार्टी (एकीकृत–समाजवादी) असोज ५ गते येँ केन्द्रीय कमिटीया बैठक सःतूगु दु।

थ्व हे भदौ २९ गते बैठक च्वनिइगु तयारी जुगु खः भचा गृहकार्य याये माःगुलि भचा लिछाये माःगु धका एकीकृत समाजवादीं जानकारी बिउगु दु।

पार्टीयात प्रभावशाली ढङ्गं देयन्यक सञ्चालन यायेत सङ्गठन विस्तार, समसामयिक राजनीतिक अवस्थाय् पार्टी न निर्वाह यायेमाःगु भूमिका नाप राजनीतिक गतिविधि सञ्चालन यायेत माःगु रणनीति तयार यायेत बैठक च्वनेत्यंगु खः।

नेकपा (एमाले) पाखे विभाजित जुया वरिष्ठ नेता माधवकुमार नेपालया नेतृत्वय् गठन जूगु एकीकृत समाजवादीया केन्द्रीय समितिया बैठक न्हापागु पटक च्वनेत्यंगु खः। 

Categorized in राजनीति