२०८१ बैशाख १०, सोमबार

न्यागु किलो वहः नाप निम्हेसित प्रहरी ज्वन

लहनान्युज | ञंलाथ्व दशमी ११४१, भाद्र ३१ बिहीवाः

न्यागु किलो वहः नाप सिरहा प्रहरीं निम्ह भारतीयपिन्त ज्वंगु दु।

सिरहाया लहानं भारतपाखे तस्करी यायेगु लागि वनाच्वंपिके न्यागु किलो वहः नाप प्रहरीं भारतया खुटौना पञ्चायतया रवि महतो व पिन्टु महतोयात ज्वंगु दु।

जिल्ला प्रहरी कार्यालयया प्रवक्ता प्रहरी नायब उपरीक्षक सुभाष बुढाथोकीया कथं बुधबाः बहनि जाँचया झ्वलय् भारतीय सीमा क्षेत्र ठाडीपाखे वहः नाप ज्वनागु खः धका धाउगु दु।

उपि नाप निम्हेसित इलाका प्रहरी कार्यालय लहानय् तया थप अनुसन्धान जुयाच्वंगु दु धका प्रहरी नायब उपरीक्षक बुढाथोकीं धाउगु दु।

Categorized in अपराध