ताप्लेजुङया नांजागु तीर्थस्थल पाथीभराया दर्शन थौंनिसे खुला याइगु जुगु दु।

कोरोना भाइरस महामारीया कारण वंगु न्यालालिपा पाथीभरा द्यःया दर्शन खुला यउगु दु। आः कोभिड–१९ या प्रभाव म्हो जुयावंगुलि व पाथीभरा दर्शनया ई न जुगुलि थौंनिसे खुला यायेगु निर्णय यानागु दु धका पाथीभरा क्षेत्र विकास समितिं धाउगु दु।

समितिं जारी याउगु विज्ञप्ति कथं स्वास्थ्य सुरक्षाया मापदण्ड पालना यासे भक्तजनया लागि दर्शन, पूजा यायेगु, ध्यान व प्रार्थना यायेत खुला यानागु धका धाउगु दु।

कोभिडया जोखिम आः न दुगुलि पाथीभरा दर्शन यायेत वइपि तीर्थयात्रीपिन्त सरकारं लागू याउगु स्वास्थ्य सुरक्षाया मापदण्डयात अनिवार्य पालना यायेत समितिं इनाप याउगु दु।

Categorized in राष्ट्रिय