गुटेरस राष्ट्र संघया न्हूम्ह महासचिव
लहनान्यूज सम्वाददाता | कौलाथ्व त्रयोदशि ११३६ (अक्टोबर १४ २०१६)
पोर्चुगलया पूर्व प्रधानमंत्री एन्टोनियो गुटरेश संयुक्त राष्ट्र संघया न्हूम्ह महासचिव घोषित जूगु दु ।
न्यूयोर्कय् संयुक्त राष्ट्र संघया मूख्यालयस गुटेरसया नियुक्ति औपचारीक घोषणा जूगु खः । थुगु घोषणालिसें आः गुटरेशं वइगु १ जनवरी २०१७ निसें बान की मूनया थाय् काइगु जगु दु ।
संयुक्त राष्ट्र महासभाया वर्तमान नायः पीटर थमसनं गुटरेश थुगु पदया निम्तिं उच्च शिक्षित व अनुभवी धयादीगु दु ।
गुटेरेशं संयुक्त राष्ट्र संघया शरणार्थी संस्थाया उच्चायुक्त जुयाः ज्या यानादी धुंकूगु दु । वयकः ३१ डिसेम्बर २०२१ तक्क थुगु पदय् च्वनादी ।
Categorized in अन्तर्राष्ट्रिय
