वंगु २४ घण्टाया दुने देयन्यक १,१५८ म्हेसित कोरोना भाइरस संक्रमण पुष्टि जूगु दु।

११ हजार ६ सय ७२ म्हेसिगु पिसीआर परीक्षण याउगुलि ९०४ म्ह व २ हजार ३३१ म्हेसिगु एन्टिजेन परीक्षण याउगुलि २५४ म्ह याना १ हजार १५८ म्हेसित कोरोना भाइरस संक्रमण खनेदुगु धका स्वास्थ्य तथा जनसंख्या मन्त्रालयं धाउगु दु। अथेहे वंगु २४ घण्टाय् कोरोना संक्रमणं १२ म्ह सीगु दु सा १ हजार ३१८ म्ह कोरोनामुक्त जुगु दु।

मंगलबाः थपे जूपि नाप नेपालय् कोरोना संक्रमितपि आःतक ७ लाख ९३ हजार २७१ म्ह थ्यंगु दु। अथेहे थ्व नाप आःतक नेपालय् सीपिनिगु ल्याः ११ हजार ११५ म्ह थ्यंगु दु सा ७ लाख ६३गु हजार ७३४ म्ह संक्रमणमुक्त जुइ धुकुगु दु।

Categorized in राष्ट्रिय