२०८० चैत्र १५, बिहिबार

परराष्ट्रमन्त्रीया शपथ बदरया मागयासे सर्वोच्चय् रिट

लहनान्युज | ञंलागा सप्तमी ११४१, असोज १२ मंगलवाः

परराष्ट्रमन्त्री नारायण खड्काया शपथ बदरया माग यासे सर्वोच्च अदालतय् रिट तःगु दु। मंगलबाः अधिवक्ता विशाल न्यौपाने न शपथसम्बन्धी संघीय कानुन हे मदुगु अवस्थाय् राष्ट्रपति विद्यादेवी भण्डारीं असोज ६ गते परराष्ट्रमन्त्री डा. नारायण खड्कायात पद व गोपनीयताया शपथ याकूगु खः।

केपी शर्मा ओली नेतृत्वया सरकारं हंगु शपथ सम्बन्धी अध्यादेश संसदपाखे पारित मजुगुलि निष्क्रिय जुयाच्वंगु खः। उकिइ आः देशय् शपथ सम्बन्धी संघीय कानुन मदु। अधिवक्ता न्यौपाने न परराष्ट्रमन्त्री खड्कां गुगु कानुन कथं शपथ काउगु खः धइगु न्ह्यसःतया् ‘गुगु संघीय कानुन बमोजिम कथ याउगु धइगु उल्लेख हे मयासे कानुनया स्रोत अभाव व कानुनं परिकल्पना याउगु छु न ढाँचाविना असंवैधानिक तवरं याउगु पद नाप गोपनीयताया शपथ उत्प्रेषणया आदेशपाखे बदर याये दयेमाः ।’

उगु रिटय् संविधान बमोजिम शपथ सम्बन्धी कानुन दयेका हाकन शपथ मकातले परराष्ट्रमन्त्री खड्कायात ज्या मयाकेत अन्तरिम आदेशया माग याउगु दु। अथेहे शपथ सम्बन्धी संघीय कानुन दयका जक शपथ कायेगु व्यवस्था मिले यायेत सरकारया नामय् परमादेश न माग याउगु दु। सर्वोच्च अदालतया कथं उगु रिटय् बुधबाःया लागि पेशी तोके याउगु दु।

Categorized in राजनीति