प्रदेश २ या मुख्यमन्त्रीं असोज २० गते विश्वासया मत काइगु
लहनान्युज | ञंलागा नवमी ११४१, असोज १३ बुधवाः
प्रदेश २ या मुख्यमन्त्री लालबाबु राउतं असोज २० गते विश्वासया मत काइगु जगु दु। मुख्यमन्त्री निर्वाचित जुगु दल जनता समाजवादी दल विभाजित जुगुलि विश्वासया मत कायेत्यंगु खः।
जनता समाजवादी दल विभाजन जुया लोकतान्त्रिक समाजवादी दल बने जुगु खः। प्रदेश २ य् जनता समाजवादी पार्टीया ५५ म्ह सांसदपि मध्ये १६ म्ह लोकतान्त्रिक समाजवादी दलय् वंगु खः। बुधबाः च्वंगु प्रदेश मन्त्रिपरिषद बैठकं प्रदेशसभाया अधिवेशन असोज २० गते सःत्येगु धका प्रदेश प्रमुख समक्ष सिफारिस याउगु दु।
अधिवेशन शुरु जुगु दिं मुख्यमन्त्री राउतं विश्वासया मत कायेत प्रदेश २ या अर्थमन्त्री शैलेन्द्रप्रसाद साह न जानकारी बिउगु खः। जनता समाजवादी पार्टी विभाजित जुइवं प्रदेश २ य् नेपाली कांग्रेस सरकारय् सहभागी जुगु खः। केन्द्रनिसे प्रदेश तक नेपाली कांग्रेस, नेकपा माओवादी केन्द्र, नेकपा एकीकृत समाजवादी व जनता समाजवादी पार्टी गठबन्धन जुगुलि मुख्यमन्त्री राउतं प्रदेशसभाय् याउक विश्वासया मत कायेफइ।
जसपानाप ३९, सत्ताय् सहभागी कांग्रेस १९, नेकपा माओवादी केन्द्रनाप ८ व सरकारयात समर्थन याउगु एकीकृत समाजवादीनाप १३ म्ह याना ७९ सांसदपि दु। प्रदेश २ य् कुल १ सय ७ म्ह सांसद दुगुलि माओवादीया स्वम्ह कारवाहीलय् दुगुलि १ सय ४म्ह सांसदपि दु। उकि मध्ये सत्तापक्षनाप ७९, लोकतान्त्रिक समाजवादी पाटी नाप १६, नेकपा एमालेनाप ८ व नेपाल संघीय समाजवादी पार्टीया छम्ह सांसदपि दु।
Categorized in राजनीति