नेपाली कांग्रेसं साढे दुई महिना बागमती सरकारया मुख्यमन्त्री थःगु दलयात बिइगु निति प्रस्ताव तःगु दु।

तर न्यागु दलीय गठबन्धनया मेगु सत्तारुढ घटक नेकपा एकीकृत समाजवादीं कांग्रेसया प्रस्ताव स्वीकार याउगु मदु। नेकपा एमाले विभाजन जुइवं १३ म्ह सांसदपिन्सि एकीकृत समाजवादीइ वनेवं मुख्यमन्त्री अष्टलक्ष्मी शाक्य अल्पमतय् लागु खः।

शाक्यं मोहनी न्ह्यः प्रदेशसभाय् विश्वासया मत कायेमाः। सरकारया प्रवक्ता नाप भौतिक पूर्वाधार विकासमन्त्री केशवराज पाण्डेया कथं २५ गतेसम्म प्रदेशसभायागु क्वःगु अधिवेशन सःता विश्वासया मत कायेगु मुख्यमन्त्री शाक्यं तयारी याउगु दु।

प्रदेशसभाय् नेपाली कांग्रेस, नेकपा माओवादी केन्द्र, एकीकृत समाजवादी व जनता समाजवादी पार्टी गठबन्धनया बहुमत दु। माओवादी केन्द्रया २३, कांग्रेसया २२ व एकीकृत समाजवादीया १३ सांसदपिनिगु बहुमत दु।

१०९ म्ह सदस्यीय प्रदेशसभाय् बहुमतया लागि ५५ म्ह सांसद माः, न्यागु दलीय गठबन्धन नाप ५८ म्ह सांसदपि दु।

Categorized in राजनीति