राष्ट्रपति समक्ष प्यंगु देशया राजदूतपिन्स प्रमाणपत्र पेसयात
लहनान्युज | ञंलागा नवमी ११४१, असोज १४ बिहीवाः
राष्ट्रपति विद्यादेवी भण्डारी समक्ष इजिप्ट, जर्मनी, नर्वे व फ्रान्सया राजदूतपिन्स थःथःगु ओहोदाया प्रमाणपत्र पेस याउगु दु।
राष्ट्रपति भवनय् थौं बिहीवाः ग्वसाः ग्वंगु विशेष समारोहय् नेपालया लागि इजिप्ट, जर्मनी, नर्वे व फ्रान्सया राजदूतपि नोहा हम्दी अहमद एलगेब्ली, टोमास हाइनरिस प्रिन्च, तोरुन ड्रामदाल व जिल बुरबाओले थःथःगु ओहोदाया प्रमाणपत्र पेस याउगु दु।
उगु ज्याझ्वलय् परराष्ट्रमन्त्री डा. नारायण खड्का, प्रधानसेनापति प्रभुराम शर्मा, परराष्ट्र सचिव भरतराज पौड्याल नाप राष्ट्रपति कार्यालय व परराष्ट्र मन्त्रालयया उच्च अधिकारीपिनिगु उपस्थिति दुगु खः।
