प्रदेश २ या संसदीय दलया नेताय् सत्यनारायण मण्डल
लहनान्युज | ञंलागा दशमी ११४१, असोज १५ शुक्रवाः
नेकपा एमाले प्रदेश २ या संसदीय दलया नेताय् सत्यनारायण मण्डलयात ल्यःगु दु। मण्डल थ्व स्वया न्ह्यः न दलया नेता खः।
पार्टी विभाजन लिपा च्वंगु न्हापागु संसदीय दलया बैठकं मण्डलयात संसदीय दलया नेताय् ल्यःगु खः। बैठकं सांसद किशोरी साह ‘कमल’ यात प्रमुख सचेतकय् ल्यःगु खः।
प्रमुख सचेतक साहया कथं आः बैठकं अथे निर्णय याउगु खः। प्रदेश सभा गठन जुगु इलय् न मण्डल हे एमालेया संसदीय दलया नेता खः। एमाले व माओवादी मिले जुया नेकपा जुगु इलय् न मण्डल हे एकीकृत पार्टीया संसदीय दलया नेता खः।
प्रदेश २ य् एमालेया २१ सांसदपि मध्ये १३ म्ह नेकपा एकीकृत समाजवादी पार्टीइ वःगु खःसा आः एमालेनाप च्याम्ह जक सांसदपि दु।
Categorized in राजनीति