देयन्यक थप ८६७ म्ह कोरोना संक्रमण पुष्टि
रसिया श्रेष्ठ | ञंलागा एकादशी ११४१, असोज १६ सनिवाः
थौं देयन्यक थप ८६७ म्हेसित कोरोना संक्रमण पुष्टि जूगु दु।
शनिबाः देयन्यक ५ हजार ५९८ म्हेसिगु पीसीआर परीक्षण याउगुलि ६५९ म्ह व २ हजार ३२१ म्हेसिगु एन्टिजेन परीक्षणय् २०८ म्ह याना ८६७ म्हेसित कोरोना संक्रमण पुष्टि जुगु दु धका स्वास्थ्य मन्त्रालयं धाउगु दु।
थ्व नाप आःतक नेपालय् कोरोना संक्रमित जूपि ८ लाख ८८ हजार ५४७ म्ह थ्यंगु दु। अथेहे कोरोनाया कारण थप गुम्ह सीउगु दु। आःतक नेपालय् ११ हजार १ सय ५७ म्ह कोरोनाया कारण सी धुकुगु दु।
अथेहे १ हजार १२३ म्ह संक्रमित कोरोनामुक्त जुगु दु। थ्व नाप आःतक नेपालय् ७ लाख ६७ हजार ८१९ म्ह कोरोना संक्रमणमुक्त जुइ धुकुगु दु।
आःतक नेपालय् १७ हजार ६४२ म्ह सक्रिय संक्रमितपि दु।
Categorized in राष्ट्रिय