छु दिंनिसे लगातार घटे जुयाच्वंगु शेयर बजाः थौं मङ्गलवाः थहावंगु दु।

शेयर बजाः परिसूचक नेप्से थौं ४१ दशमलव ८४ अङ्कं थहावना २ हजार ६ सय १२ दशमलव ६५ विन्दुइ थ्यंगु दु। थौं व्यापारबाहेक दक्को समूहया शेयर भाः थहावंगु दु।

बैंकिङ समूहया शेयर १८ अङ्कं, विकास बैंक समूहया १४० अङ्कं, जलविद्युतया ६० अङ्कं, फाइनान्सया ८७ अङ्कं व माइक्रोफाइनान्स समूहया शेयर १३६ अङ्कं थहावंगु दु। अथेहे होटलय् ३६, जीवन बीमा समूहय् ३०७, निर्जीवन बीमा समूहया २६५, उत्पादन समूहय् १०७ व मेमेगु समूहया शेयर ११ अङ्कं थहावंगु दु।

शेयर बजार थहावसां कारोबार रकम धासा घटे जुगु दु। म्हिगः ३ अर्ब ६२ करोड रुपैयाँ कारोबार जुगुलि थौं जम्मा २ अर्ब ९९ करोड ९६ लाख रुपैयाँया शेयर किनबेच जुगु दु। थौं २ सय २३ कम्पनीया ४१ हजार कारोबारपाखे ५८ लाख ४२ हजार कित्ता शेयर कारोबार जुगु दु।

दकलय् अप्वो शिखर इन्स्योरेन्सया १३ करोड ६६ लाख रुपैयाँया शेयर कारोबार जुगु खः। थौं मल्टिपर्पोज फाइनान्स, हिमालयन पावर पार्टनर व समता घरेलु लघुवित्तया शेयर १० प्रतिशतं थहावंगु दु। समग्र बजाः थहावसां एनआईसी एसिया लघुवित्तया शेयर १० प्रतिशतं थहावंगु दु।

Categorized in राष्ट्रिय