वंगु २४ घण्टाया दुने देयन्यक ८०५ म्हेसित कोरोना भाइरस संक्रमण पुष्टि जुगु दु।

७ हजार २६४ म्हेसिगु नमुना पीसीआर परीक्षणय् ६६७ म्ह व ३ हजार ४०८ म्हेसिगु एन्टिजेन परीक्षण याउगुलि १३८ म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धाउगु दु।

वंगु २४ घण्टाय् कोरोना संक्रमणं च्याम्ह सीउगु दु सा ९११ म्ह कोरोनामुक्त जुगु दु।

न्हुपि थपे जुगु नाप आःतक नेपालय् कोरोना संक्रमित जुपि ८ लाख ९३ हजार ७२ म्ह थ्यंगु दु सा आःतक ११ हजार २ सय म्ह सी धुकुगु दु।

अथेहे ७ लाख ७३ हजार १४० म्ह संक्रमणमुक्त जुइ धुकुगु दु।

Categorized in राष्ट्रिय