नेपाल संवत् ११४२ न्हूदँ तःजिक हनेगु नितिं न्हूदँ समारोह समिति नीस्वनीगु दु ।

येँया नेपाः ब्याकेटय् थीथी संघ सस्थाया मंका मुज्यां ११४२ न्हूदँ समारोह समिति निस्वंगु खः।

उगु समितिया मुज्यां भाषासेवी निरञ्जन रत्न शाक्ययात सर्वसहमतीं न्हूदँ समारोह समिति ११४२ या अध्यक्षय् ल्यःगु खः। ११४१ न्हूदँ समारोह समितिया नायः रमेश महर्जनया सभापतित्वय् जुगु उगु मुज्याय् नेपालभाषा मंकाः खलःया दुजः गणेश सायमी व नेवाः देय् दवूया नायः नरेश ताम्रकार पाँहा कथं झायादिगु खः।

११४२ न्हूदँ तःजिक हनेगु नितिं ८० म्ह दुजः दुथ्याःगु समारोह समिति निस्वंगु खः ।समितिया न्हपांगु मुज्या थौं च्वनेत्यंगु दुसा उगु मुज्यां थीथी उप समितित निंस्वने निंस्वने त्यंगु खः।

Categorized in राष्ट्रिय