मोहनी न्ह्यःया लिपागु दिं थौं सोमबाः सेयर बजाः परिसूचक नेप्से २३.१९ अंकं घटे जुगु दु।

शेयर कारोबार जुगु कम्पनी व रकम निगुलि हे गिरावट वंगुलि नेप्से परिसूचक २६३९ अंकय् कुहावंगु खः। सोमबाः समूहिक लगानी कोष व लगानी सूचकबाहेक दक्को परिसूचक घटे जुगु खः।

न्हिच्छियकं २१९ कम्पनीया सेयर दोस्रो बजारय् खरीद बिक्री जुगुलि मुक्कं कारोबार रकम ३ अर्ब ६३ करोड रुपैयाँय् जक सीमित जुगु दु।

कन्ह्य मंगलबाः निसे आः न्यान्हु तक मोहनीया बिदा जुगु कारण बजार बन्द जुइ।

Categorized in राष्ट्रिय